20:05
{mosimage}
(Geta Jason Terry og félagar jafnað metin?)
Tveir leikir fara fram í úrslitakeppninni í NBA deildinni í nótt og verður sjötti leikur Golden State Warriors og Dallas Mavericks sýndur í beinni útsendingu á NBA TV kl. 02:30 eftir miðnætti í nótt. Staðan í einvíginu er 3-2 Golden State í vil og með sigri í nótt geta þeir tryggt sér sæti í undanúrslitum vesturstrandarinnar.
Þá eigast við Utah Jazz og Houston Rockets þar sem Rockets geta sömuleiðis, með sigri, komið sér áfram í undanúrslitin en Rockets leiða einvígið 3-2.
Dallas Mavericks hafa verið á mikilli siglingu í vetur og er fjölmiðlum Vestanhafs tíðrætt um að mikið ,,upset” eða uppnám komist í boltann takist Warriors að slá Mavericks út í þessari fyrstu umferð. Dallas bjargaði sér fyrir horn í fimmta leiknum með 118-112 sigri og freista þess að jafna metin í kvöld.
