17:17
{mosimage}
Dallas gengur hart að Chris Webber þessa dagana að ganga til liðs við liðið frá Detroit og hefur Chris Webber staðfest það. Webber sagði í gær að hann væri að hugsa um Dallas og staðan í dag væri sú að einu liðin sem kæmu til greina væru núverandi lið hans, Detroit, og Texasliðið.
Þegar Webber var spurður hvort hann myndi semja á ný við Detroit sagði hann. ,,Ég veit ekki, ég mynd vilja það. En þessa stundina er ég að hugsa um Detroit og Dallas, þannig að það er aldrei að vita.”
Webber hóf leiktíðina í fyrra hjá Philadelphia og lék með þeim 18 leiki áður en honum var skipt til Detroit. Þar skoraði hann 11.3 stig og tók 6.7 fráköst í 43 leikjum, hann byrjaði inn á í 42 þeira.
Í úrslitakeppninni lék hann 16 leiki með Detroit og byrjaði inn á í öllum. Hann skoraði 9.9 stig í þeim og tók 6.3 fráköst.
Hann er 34 ára og hefur leikið 14 ár í deildinni.
