10:18
{mosimage}
(Jason mun spila með Bobcats næsta vetur)
Golden State skipti Jason Richardsons í nótt þegar hann fór til Charlotte Bobcats í skiptum fyrir Brandan Wright, sem var valinn áttundi í nótt. Charlotte fékk líka Jermareo Davidson sem Golden State valdi í nótt með 36. valréttinum.
Michael Jordan, framkvæmdastjóri, var búinn að vera leita að reyndum leikmanni til þess að styrkja hið unga lið Charlotte og var hann tilbúinn að nota áttunda valréttinn til þess. Þessi skipti ættu að henta báðum liðum mjög vel en Jason Richardson hefur verið orðaður við nokkur lið undanfarna mánuði.
Chris Mullin, framkvæmdastjóri Golden State, sagði að hann ætti eftir að sakna Jason Richardson. ,,Að sjálfsögðu mun ég sakna Jasons. Hann er einn af mínum uppáhalds leikmönnum í deildinni, en við höfum góða tilfinningu fyrir Brandan.”
