06:00
{mosimage}
(Atkins hefur leikið með 6 liðum á NBA-ferlinum)
Chucky Atkins hefur gert tveggja ára samning við Denver Nuggets. Atkins sem var á mála hjá Memphis í fyrra sagði eftir að hafa gert samning við Denver að hann hefði fengið nóg af því að tapa.
,,Það sem ég þurfti að ganga í gegnum. Öll þessi töp, ég get það ekki lengur,” sagði Atkins og bætti við ,,Mér finnst Denver vera rétti staðurinn fyrir mig og minn leikstíl. Þeir söknuðu einhvers eins og mín í úrslitakeppninni. Einhver sem getur sett niður skot. Ég held að ég muni smellpassa inn í liðið.”
Nýji samningurinn mun gefa honum $3.2 milljónir næsta vetur og $3.4 tímabilið 2008-09 og mun félagið hafa möguleika á að framlengja samninginn um eitt ár.
Atkins mun leysa Steve Blake af hólmi en hann er farinn til Portland.
Chucky Atkins er 33 ára leikstjórnandi. Hann hefur leikið með sex liðum, Orlando, Detroit, Boston, Washington, L.A. Lakers og Memphis. Hann lék lengst af með Detroit eða þrjú og hálft tímabil.
Hann skoraði 13.2 stig og gaf 4.6 stoðsendingar í 75 leikjum síðasta vetur.
