Ísland mætir Ítalíu kl. 19:30 í Palabigi höllinni í Reggio Emilia í kvöld í fjórða leik undankeppni EuroBasket 2025. Til þessa hefur Ísland unnið Ungverjaland og tapað fyrir Tyrklandi og Ítalíu í keppninni.
Leikurinn er annar tveggja sem leiknir eru gegn Ítalíu í þessum glugga keppninnar, en síðastliðinn föstudag mátti Ísland þola tap heima í Laugardalshöll gegn liðinu.
Þar sem efstu þrjú lið þessa fjögurra liða riðils munu komast áfram á lokamótið má segja að Ísland sé í dauðafæri að tryggja sig á það. Sigur gegn Ítalíu í kvöld er ekki nauðsynlegur til það verði að veruleika, en hann myndi þó fara langa leið með það ef af honum yrði.
Leikurinn verður í beinni útsendingu á RÚV 2 frá kl. 19:20.
Leikur dagsins
Undankeppni EuroBasket 2025
Ítalía Ísland – kl. 19:30
