DeMarcus Cousins leikmaður Sacramento Kings er að vitaskuld þekktur fyrir hæfileika sína sem körfuknattleiksmaður en þessi stæðilegi miðherji Kings liðsins í NBA hefur einnig verið duglegur að komast í fjölmiðla vegna framkomu sinnar utan vallar. Þá tölum við um slæma framkomu hans og vandræði. Nú nýlega var Cousins afar ósáttur út í Andy Forrillo blaðamann í Sacramento fyrir að hafa nefnt á nafn bróður Cousins í grein sem hann skrifaði um. Í greininni var fjallað um ákveðið atvik sem Cousins og bróðir hans "lentu í" nýverið sem hægt er að sjá hér að neðan. Augljóst þykir að Cousins er ekkert sérstaklega hlýtt til fjölmiðla yfir höfuð. Karfan.is hefur reynt að setja sig í samband við Cousins án árangurs og spurning hvort miðillinn sé á bannlista hans.
Milli þessa atviks og slagsmála sem hann og liðsfélagi hans Matt Barnes "lentu í" eftir leik í New York á næturklúbbi má áætla að NBA deildin muni í það minnsta sekta kappann um einhverja nokkra þúsund kalla eða svo.
