Ármann tryggði í kvöld efsta sætið í 1. deild kvenna þetta árið og er þar með deildarmeistari.
Heimakonur þurfti á sigri að halda í kvöld til þess að tryggja sigurinn en gestirnir frá Ísafirði sátu í neðsta sæti deildarinnar fyrir leikinn. Óhætt er að segja að sigur Ármanns hafi aldrei verið í hættu en liðið náðu forystu snemma leiks og unnu að lokum mjög sannfærandi sigur, 80-46.
Frábær mæting var á leikinn í íþróttahúsi Kennaraháskólans en segja má að húsið hafi verið svo gott sem fullt. Það brutust því út mikil fagnaðarlæti í lok leiks þegar titilinn var í húsi. Guðbjörg Norðfjörð varaformaður KKÍ veitti svo liðinu verðlaunin að leik loknum.
Ármann er því með heimaleikjarétt út úrslitaseríuna en liðið mætir Hamri/Þór í undanúrslitum sem laumuðu sér inní úrslitakeppnina með frábærum lokasprett í deildinni.
Bikarinn var sá fyrsti í sögu Ármanns sem vinnst í körfuknattleik kvenna og fyrsti titill félagsins í körfubolta í fjölmörg ár.
