Martin Hermannsson skoraði 23 stig í sigri LIU á Maine, 79-84. Martin var næststigahæstur á eftir Jerome Frink sem skoraði 25. Martin bætti einnig við 2 fráköstum, stoðsendingu og 2 stolnum boltum. Blackbirds hafa nú unnið fyrstu tvo leiki sína í vetur.
Furman háskólinn tapaði fyrir Charlotte, 68-77, en þetta Charlotte lið er þjálfað af NBA goðsögninni Mark Price. Kristófer Acox skoraði 4 stig og tók 3 fráköst á 19 mínútum.
Kvennalið Marist háskólans tapaði fyrir Delaware háskólanum, 56-50. Lovísa Henningsdóttir spilaði 15 mínútur og skoraði 8 stig, tók 4 fráköst og gaf 3 stoðsendingar.
