Undir 18 ára drengjalið Íslands mátti þola tap gegn Sviss í dag á fyrsta leik sínum á Evrópumótinu í Skopje, 63-87. Fyrir utan stuttan kafla í fyrsta leikhluta leiddi svissneska liðið leik dagsins frá upphafi til enda. Atkvæðamestir fyrir Ísland í leiknum voru Kristófer Breki Björgvinsson með 13 stig, 4 fráköst og Thor Grissom með 16 stig.
Leikurinn var fyrstur fimm leikja sem Ísland leikur í riðlakeppni mótsins, en næst leika þeir gegn Eistlandi kl. 09:00 í fyrramálið á íslenskum tíma.
