13:05
{mosimage}
Í kvöld fer lokaumferðin í Iceland Express deild karla fram og hefjast allir leikir kvöldsins kl. 19:15. Karfan.is fór yfir stöðu mála í gær en þann pistil er hægt að lesa hér.
Fjölnismenn hafa blásið í stríðslúðrana og gengið skóla á millum í Grafarvogi og boðið nemendum á leikinn gegn Tindastól í kvöld svo von er á fullu húsi þar í bæ í kvöld og gríðarlegri stemmningu. Fjölnir verður að leggja Tindastól til að eiga möguleika á því að halda sæti sínu í deildinni.
Í Borgarnesi mætast heimamenn og ÍR og að Ásvöllum taka Haukar á móti Hamri/Selfoss og Keflavík fær Snæfell í heimsókn. Njarðvíkingar mæta Þór í Þorlákshöfn og KR fær Grindavík í heimsókn.
Í mörg horn verður að líta í kvöld og hvetur Karfan.is alla körfuknattleiksáhugamenn til þess að fjölmenna á vellina og kveðja deildarkeppnina með glæsibrag.
Leikir kvöldsins:
Borgarnes 19.15 Skallagrímur – ÍR
ÍM Grafarvogi 19.15 Fjölnir – Tindastóll
Ásvellir 19.15 Haukar – Hamar/Selfoss
Keflavík 19.15 Keflavík – Snæfell
DHL-Höllin 19.15 KR – UMFG
Þorlákshöfn 19.15 Þór Þorl. – UMFN
