Þór og Hamar/Þór mættust í æfingaleik á Akureyri í dag og höfðu heimakonur betur, en bæði lið undirbúa sig þessa dagana fyrir komandi tímabil í Bónus deild kvenna. Mikið jafnræði var á með liðinum lengi framan af leik, en fyrir lokaleikhlutann munaði aðeins 5 stigum á þeim heimakonum í vil. Í þeim fjórða náðu þær svo góðum tökum á leiknum og var sigur þeirra öruggur að lokum, 75-57.
Stigahæst í liði heimakvenna í leiknum var Hrefna Ottósdóttir með 18 stig. Henni næst var Amandine Toi með 16 stig. Fyrir gestina úr Hamar/Þór var það Abby Beeman sem var stigahæst með 17 stig og Teresa Da Silva bætti við 11 stigum.
Myndasafn (Palli Jóh)
Fréttir og tölfræði úr æfingaleikjum má senda á [email protected]
