Einn leikur verður leikinn í Domino's deild kvenna en það er fyrsti leikurinn í 13. umferð deildarinnar. Grindavík leggur í ferðalag í Stykkishólm en þar taka Snæfellingar á móti þeim. Snæfell hafði sigrað 6 leiki í röð þar til Keflavíkurstúlkur slökktu í þeim í mögnuðum leik. Gengi Grindavíkur hefur hins vegar verið upp og niður og víst að þær vilja breyta þeirri þróun hið fyrsta. Leikurinn hefst kl. 19:15.
Mynd úr safni: Haiden Denise Palmer tekur á móti Whitney Frazier í kvöld. (Tomasz Kolodziejski)
