Í dag kl. 16:00 mætir Ísland liði Portúgal í Laugardalshöllinni í undankeppni Evrópumótsins 2021.
Liðið tapaði fyrsta leik þessa leikjaglugga með einu stigi fyrir Potúgal ytra, en lagði svo Sviss með sama mun síðastliðna helgi heima í Laugardalshöllinni.
Allir leikir mótsins hafa unnist heima hjá liðunum til þessa í mótinu og gæti það hæglega farið svo að þannig ætti það eftir að enda. Kemur þá til útreikninga á stigaskori um hvaða lið það verði sem að fari áfram.
Vinni Ísland leikinn í dag, sem og síðasta leikinn ytra gegn Sviss, komast þeir áfram. Tapi þeir hinsvegar leiknum í dag, verður það Portúgal sem kemst áfram.
Leikurinn verður í beinni útsendingu hjá RÚV, en þá verður einnig hægt að fylgjast með honum og lifandi tölfræði í gegnum heimasíðu mótsins hjá FIBA hér.
Karfan leit við á æfingu hjá liðinu síðastliðinn fimmtudag og spjallaði við leikmennina Martin Hermannsson, Elvar Már Friðrikssin, Tryggva Snæ Hlinason og þjálfarann Finn Frey Stefánsson um verkefnið.
Martin: Er alveg tilbúinn að fá boltann þarna aftur
Tryggvi Snær: Þekkjum þá alveg vel
Elvar Már: Held að leiðin sé bara upp á við fyrir okkur
Þá fékk Podcast Körfunnar annan leikmann liðsins, Jón Axel Guðmundsson, í spjall til sín um, meðal annars, liðið og leikina í þessari undankeppni Evrópumótsins.
Jón Axel í spjalli: Valdi landsliðið fram yfir Stephen Curry
