Hlutirnir gerast í Dalhúsum í kvöld þegar Fjölnir og Skallagrímur mætast í sínum þriðja leik í úrslitum 1. deildar karla kl. 19:15. Staðan er 1-1 eins og sakir standa þar sem tveir útisigrar hafa litið dagsins ljós.
Borgnesingar opnuðu einvígið með sigri í Dalhúsum þar sem þeir sigu framúr í blálokin en Fjölnismenn jöfnuðu metin í Fjósinu og voru þar sterkari aðilinn á endasprettinum. Leikirnir hafa verið hraðir og fjörugir svo það er ráð að leggja leið sína í Grafarvoginn í kvöld og sjá liðin berjast um sæti í Domino´s-deildinni á næstu leiktíð. Vinna þarf þrjá leiki til þess að hafa sigur í seríunni.
Mynd/ Pryor og Hafþór Gunnarsson í baráttunni í Borgarnesi í leik tvö.
