Hvort verður það Snæfell eða Keflavík sem kemst í Laugardalshöllina? Ekki löngu eftir kl. 15:00 í dag fáum við svar við þessari spurningu þegar liðin mætast í Stykkishólmi. Valskonur komust í gær í úrslitaleik bikarkeppninnar í fyrsta sinn og bíða nú þess að fá að vita hver andstæðingur þeirra verði í úrslitum Poweradebikarsins þann 16. febrúar næstkomandi.
Snæfell vann Keflavík í Lengjubikarnum en Keflvíkingar hafa unnið báða deildarleikina til þessa og allir hafa þeir verið miklir slagir. Vafalaust verður barist til síðasta blóðdropa í Hólminum í dag og ekki ósennilegt að pallarnir verði þétt setnir.
Snæfell-Keflavík
Kl. 15:00 í Stykkishólmi í dag
