Þrettánda umferð Dominos deildar karla fer af stað í kvöld með fjórum leikjum. Nokkrir stórir leikir fara fram en hvert stig verður mikilvægara nú þegar nær dregur lokum deildarkeppninnar.
Grindavík hefur harma að hefna þegar Skallagrímur mætir í Mustad höllina. Borgnesingar unnu fyrri viðureign þessara liða en sitja í 11. sæti deildarinnar í dag.
Tindastóll fær Val í heimsókn en það er fyrsti leikur Valsara án Kendall Lamont. Óvíst er um þátttöku Uralds King í leiknum en hann meiddist illa í leiknum gegn Þór Þ í síðustu umferð.
Stjarnan tekur á móti Breiðablik í nágrannaslag en Stjarnan vann fyrri viðureign liðanna í spennandi viðureign. Þá fær Einar Árni sína fyrrum lærisveina í heimsókn er Njarðvík mætir Þór Þ.
Fjallað verður um leiki kvöldsins á Körfunni í dag.
Leikir dagsins:
Dominos deild karla
Stjarnan – Breiðablik – kl. 19:15
Grindavík – Skallagrímur – kl. 19:15
Njarðvík – Þór Þ – kl. 19:15
Tindastóll – Valur – kl. 19:15
