Fjórtánda umferð Dominos deildar karla lýkur í kvöld með tveimur leikjum. Mikið er undir í báðum leikjum enda fer að styttast í annan enda deildarkeppninnar.
Smárinn er vígvöllur Blika er liðið fær ÍR í heimsókn. ÍR vann fyrri leik liðanna en sigur Hauka í gær gerir það að verkum að nú eru átta stig úr fallsæti fyrir Blika.
Grindavík hefur harma að hefna þegar þeir heimsækja Keflavík en liðin mættust fyrr í vetur þar sem Keflavík valtaði yfir Grindvíkinga 62-97.
Þá fara þrír leikir fram í 1. deild karla þar sem spennan er mikil við toppinn en Þór getur bætt í forystu sína á toppnum með sigri á Snæfell.
Leikir kvöldsins:
Dominos deild karla:
Breiðablik – ÍR – kl. 18:30
Keflavík – Grindavík – kl. 20:15
1. deild karla:
Þór – Snæfell – kl. 19:15
Hamar – Vestri – kl. 19:15
Sindri – Selfoss – kl. 20:00
