Önnur umferð Dominos deildar karla hefst í kvöld með fjórum leikjum. Spennandi verður að sjá hvaða lið ná að snúa genginu við eftir fyrstu umferðina eða halda uppteknum hætti.
Nýliðarnir leika báðir sinn fyrsta heimaleik á tímabilinu en Blikar fá Stjörnuna í heimsókn en í Borgarnesi mæta Grindvíkingar.
Í Þorlákshöfn snýr Einar Árni aftur en nú sem þjálfari Njarðvíkur. Einar þjálfaði Þór Þ í þrjú tímabil við góðan orðstýr.
Valsarar freista þess svo að snúa við taflinu eftir tapið gegn Haukum í síðustu umferð. Það eru Bikarmeistararnir sem mæta í Origo höllina og því verðugt verkefni sem bíður Vals.
Leiki dagsins má finna hér að neðan:
Dominos deild karla:
Breiðablik – Stjarnan – kl. 19:15
Skallagrímur – Grindavík – kl. 19:15
Þór Þ – Njarðvík – kl. 19:15
Valur – Tindastóll – kl. 19:15
