Í dag lýkur 16 liða úrslitum í Poweradebikarkeppni karla þegar Haukar taka á móti ÍR kl. 19:15 í Schenkerhöllinni í Hafnarfirði. Þegar hafa sjö lið tryggt sér farseðilinn inn í 8-liða úrslit en dregið verður í þau á morgun.
Þá er einn leikur í 10. flokki karla í bikarkeppninni þegar Þór Þorlákshöfn/Hamar tekur á móti Laugdælir/Kormákur kl. 19:00 í Þorlákshöfn.
Þetta eru liðin sem komin eru áfram í 8-liða úrslit Poweradebikarkeppni karla 2012:
Valur, Reynir Sandgerði, Stjarnan, Njarðvík, Keflavík, Grindavík, Snæfell
