Úrslitakeppni Subway deildar karla rúllar af stað komandi þriðjudag 4. apríl með tveimur fyrstu leikjum átta liða úrslitanna. Hin tvö einvígin fara svo af stað degi seinna miðvikudag 5. apríl. Hér fyrir neðan má sjá liðin sem mætast í úrslitakeppninni, en þetta tímabilið féllu Reykjavíkurfélögin KR og ÍR í fyrstu deild og Höttur og Breiðablik misstu af úrslitakeppninni.
Í átta liða úrslitum takast á Valur og Stjarnan, Njarðvík og Grindavík, Haukar og Þór og Keflavík og Tindastóll. Fyrri tvær viðureignirnar sem fara af stað á þriðjudag eru á milli Vals og Stjörnunnar annarsvegar og Njarðvíkur og Grindavíkur hinsvegar. Haukar gegn Þór og Keflavík gegn Tindastóli rúllar svo af stað degi seinna, á miðvikudag.
Hér fyrir neðan má sjá leikdaga og hvernig leikir liðanna fóru á tímabilinu, en vinna þarf þrjá leiki til þess að tryggja sig í undanúrslitin.
Valur 1-1 Stjarnan / Hérna er hægt að skoða leikina
Fyrir utan viðureign liðanna í meisturum meistaranna sem Valur vann áður en deildarkeppnin hófst mættust liðin tvisvar í deildinni í vetur. Skiptu liðin með sér sigrum, þar sem Stjarnan vann fyrri leikinn með 8 stigum í október, en Valur með 4 stigum í byrjun janúar.
Njarðvík 1-1 Grindavík / Hérna er hægt að skoða leikina
Njarðvík og Grindavík skiptu einnig með sér sigrum í deildinni í vetur. Þar sem að Grindavík vann með 5 stigum í byrjun nóvember, en Njarðvík svaraði fyrir það með 23 stiga sigri nú um miðjan febrúar.
Haukar 2-0 Þór / Hérna er hægt að skoða leikina
Nýliðar Hauka unnu báða leiki deildarkeppninnar gegn Þór. Með 6 stigum um miðjan október og seinni leikinn þann 19. janúar með 9 stigum.
Keflavík 2-0 Tindastóll / Hérna er hægt að skoða leikina
Keflavík hafði betur gegn Tindastóli í báðum leikjum tímabilsins. Í opnunarleik deildarinnar unnu þeir með 2 stigum og í seinni leiknum lögðu þeir þá með 9 stigum.
Leikdagar 8 liða úrslita:
Valur (1) gegn Stjörnunni (8)
04.04 – Reykjavík
07.04 – Garðabær
11.04 – Reykjavík
14.04 – Garðabær (ef þarf)
17.04 – Reykjavík (ef þarf)
Njarðvík (2) gegn Grindavík (7)
04.04 – Njarðvík
07.04 – Grindavík
11.04 – Njarðvík
14.04 – Grindavík (ef þarf)
17.04 – Njarðvík (ef þarf)
Haukar (3) gegn Þór (6)
05.04 – Hafnarfjörður
08.04 – Þorlákshöfn
12.04 – Hafnarfjörður
15.04 – Þorlákshöfn (ef þarf)
17.04 – Hafnarfjörður (ef þarf)
Keflavík (4) gegn Tindastól (5)
05.04 – Keflavík
08.04 – Sauðárkrókur
12.04 – Keflavík
15.04 – Sauðárkrókur (ef þarf)
17.04 – Keflavík (ef þarf)
