Uppselt er á fyrsta leik Íslands gegn Ungverjalandi í Laugardalshöll komandi fimmtudag 22. febrúar. Staðfestir KKÍ það með fréttatilkynningu fyrr í dag.
Enn frekar tekur sambandið fram að mögulega bætist við nokkrir miðar í sölu eftir að boðsmiðar verða staðfestir, en það mun koma í ljós og verður auglýst sérstaklega þriðjudag/miðvikudag.
Leikurinn er annar tveggja í þessum fyrsta glugga keppninnar, en þeir munu svo mæta Tyrklandi ytra sunnudag 25. febrúar.
Báðir verða leikirnir í beinni útsendingu á RÚV.
