Nýr þjálfari karla- og kvennaliða Hamars er bakvörðurinn Lárus Jónsson en hann tekur við starfinu af Ágústi Björgvinssyni sem þegar hefur tekið við kvennaliði Vals. Sunnlenska.is greindi frá þessu.
Lárus lék með Njarðvíkingum á síðustu leiktíð en skipti svo yfir í Hamar þar sem hann er öllum hnútum kunnugur. Lárus tekur við karlaliði Hamars í 1. deildinni en kvennalið félagsins leikur í Iceland Express deildinni og varð deildarmeistari á síðustu leiktíð.
