Kristófer Acox og Furman Paladins innsigluðu sinn fyrsta sigur í fyrsta leik á tímabilinu, 53-63 gegn Presbyterian skólanum. Kristófer skoraði 11 stig og tók 10 fráköst í leiknum á aðeins 23 mínútum.
Kristinn Pálsson spilaði sinn fyrsta leik fyrir Marist háskólann og byrjaði vel með 15 stig og 5 fráköst en hann skaut 4/8 í þristum í leiknum. Kristinn spilaði mest allra leikmanna Marist eða 37 mínútur. Marist tapaði leiknum naumlega eða 67-64 fyrir Holy Cross.
Myndband frá leiknum og Kristinn á blaðamannafundi eftir leikinn.
Lovísa Henningsdóttir spilaði einnig sinn fyrsta leik fyrir Marist háskólann og var sá leikur gegn South Dakota State. Lovísa spilaði 11 mínútur og skoraði 3 stig og tók 3 fráköst en Marist tapaði leiknum 77-68.
Hildur Kjartansdóttir var með 6 stig og 2 fráköst í leik University of Texas Rio Grande Valley gegn East Carolina. UTRGV töpuðu leiknum 59-70.
Margrét Hálfdánardóttir skoraði 5 stig og tók 2 fráköst í tapi Canisius gegn Youngstown State. Leiknum lauk 51-53 eftir að dæmd hafði verið villa á Söru Rún Hinriksdóttur sem sendi leikmann Youngstown á línuna til að klára leikinn. Sara skoraði 2 stig og tók 4 fráköst.
*** UPPFÆRT *** Það gleymdist að taka fram að Elvar Friðriksson og Barry University gjörsigruðu Florida Memorial 56-96. Elvar átti góðan leik með 7 stig, 5 stoðsendingar og 2 stolna bolta.
