Ísland lagði Ítalíu í Reggio Emilia í kvöld í fjórða leik sínum í undankeppni EuroBasket 2025, 74-81. Eftir leikinn er Ísland með tvo sigra og tvö töp í undankeppninni.
Karfan spjallaði við Kristinn Pálsson eftir að leik lauk í Palabigi höllinni í Reggio Emilia. Kristinn var að öðrum ólöstuðum besti leikmaður vallarins í kvöld með 22 stig í aðeins 7 skotum af vellinum, en það var aðeins eitt skot sem hann klikkaði í öllum leiknum.
