Það var púað í salnum þegar New York Knicks völdu Lettann Kristaps Porzingis með fjórða valrétti nýliðavalsins í sumar. New York búar vildu fá þekkta stærð en ekki hráan sjö feta huldumann frá Lettlandi. Porzi hefur hins vegar snúið þessu við á undraverðum tíma og var þessi troðsla hans yfir bakið á LaMarcus Aldridge ekki að skemma fyrir.
Orð Tim Duncan eftir leikinn segja allt sem segja þarf: "Hann var tilkomumikill. Hann er enn ungur en hæfileikarnir eru heldur betur til staðar."
