18:04
{mosimage}
(Sigrún Ámundadóttir gerði 22 stig fyrir KR gegn Fjölni í dag)
Nú er ljóst eftir viðureign KR og Fjölnis í Iceland Express deild kvenna hvaða lið munu leika í A hluta deildarinnar og hvaða lið munu leika í B hluta deildarinnar þegar henni verður skipt upp eftir síðustu þrjá deildarleikina á miðvikudag. Fjölnir og KR mættust í Grafarvogi í dag í fyrsta leik síðustu umferðarinnar í deildinni og hafði KR öruggan 57-90 sigur á gestgjöfum sínum.
Valskonum dugir ekki sigur gegn Íslandsmeisturum Keflavíkur á miðvikudag því þá geta þær aðeins jafnað KR að stigum en Vesturbæingar hafa betur í innbyrðisviðureignum gegn Val.
Sigrún Ámundadóttir var atkvæðamest í liði KR í dag með 22 stig, 7 fráköst og 4 stoðsendingar en næst henni kom hin efnilega Heiðrún Kristmundsdóttir með 14 stig, 8 stoðsendingar og 4 fráköst. Hjá Fjölni var Birna Eiríksdóttir með 16 stig og 5 stoðsendingar.
Liðin sem skipa A hlutann:
Haukar
Keflavík
Hamar
KR
Liðin sem skipa B hlutann:
Valur
Grindavík
Snæfell
Fjölnir
