KR C urðu Íslandsmeistarar í dag í neðri deild 10. flokks drengja eftir sigur á ÍR B í úrslitaleik. Í úrslitaleiknum voru KR-ingar skrefinu á undan lengst af, þó svo það hafi ekki munað miklu. Undir lokin tekst ÍR-ingum að berja til baka og komast yfir þegar lítið er eftir af leiknum. Með góðum lokamínútum nær KR svo forystunni á nýjan leik og sigra að lokum með 9 stigum, 51-60.
Hérna er myndasafn dagsins frá Körfunni / Bára Dröfn
Lars Erik Bragason var valinn maður leiksins, en hann skilaði 8 stigum og 19 fráköstum. Þá bætti Róbert Frímann Stefánsson Spanó við 25 stigum, 4 fráköstum og 3 stoðsendingum. Fyrir ÍR var Friðrik Leó Curtis atkvæðamestur með 15 stig og 21 frákast.
Myndir / KKÍ & Bára Dröfn
