09:44
{mosimage}
Önnur úrslitaviðureign KR og Grindavíkur um Íslandsmeistaratitilinn í Iceland Express deild karla fer fram í Röstinni í Grindavík í kvöld og hefst fjörið kl. 19:15. Leikurinn verður í beinni útsendingu á Stöð 2 Sport en það eru deildarmeistarar KR sem leiða einvígið 1-0 eftir 88-84 sigur í fyrsta leik liðanna í DHL-Höllinni á laugardag.
KR-ingar voru illir viðureignar á laugardag á meðan Nick Bradford var að draga vagninn í liði Grindavíkur. Takist KR að vinna í kvöld leiða þeir einvígið 2-0 en sigur hjá Grindavík þýðir að þeir knýja fram annan heimaleik til viðbótar. Þess má geta að KR-ingar hafa ekki tapað leik á heimavelli þessa leiktíðina og sigurinn því Grindvíkingum afar mikilvægur enda hafa þeir jafnan farið flatt í DHL-Höllinni.
