Stjórn KKÍ mun funda með mótanefnd kl. 16:00 í dag um þá stöðu sem uppi er vegna kórónuveirufaraldursins.
Líkt og skýrt var frá fyrr í dag, þá voru alls 99 manns greindir með veiruna í gær, en það hafa aldrei verið fleiri á einum degi. Beðið er eftir frekari skýringum á tilmælum sem sóttvarnarlæknir mun senda frá sér í dag, en þar verður líklega kveðið á um að félög geri hlé á æfingum og keppni hjá börnum og fullorðnum í tvær vikur.
Staðan í mótahaldi kemur betur í ljós eftir fund almannavarna og sóttvarnarlæknis kl. 15:00, en það verður meginefni fundar stjórnar og mótanefndar í dag.
