Kevin Durant er genginn í raðir Golden State Warriors. Hann var allra stærsti bitinn á leikmannamarkaðnum þetta sumarið en Warriors lögðu allt í sölurnar til að verða sér út um þennan magnaða leikmann.
Durant sagði í opnu bréfi til stuðningsmanna sinna á vefmiðlunum The Players Tribune að nú væri kominn tími til að stíga úr þægindarammanum í Oklahoma og takast á við nýjar áskoranir.
Warriors liðið ætti að vera vel hlaðið af þriggja stiga skyttum fyrir komandi vetur með Stephen Curry, Klay Thompson og núna Kevin Durant á vellinum.
Tölurnar úr samningi Durant hafa ekki verið gerðar opinberar en það er nokkuð ljóst að þessi magnaði leikmaður er að fórna háum fjárhæðum með að semja við annað lið en OKC, þar sem hann hefði getað þénað allt frá $30-40 milljónum á ári.
My next chapter https://t.co/DG2TJ5cnev pic.twitter.com/zi94ss9NWI
— Kevin Durant (@KDTrey5) July 4, 2016
