Keira Robinson og félagar í Nyon Basket Féminin jöfnuðu metin á móti Danielle Rodriques og Elfic Fribourg í úrslitum Svissnesku deilarinnar með 65-74 sigri í gær eftir framlengingu.
Nyon byrjaði leikinn mikið betur og leiddu 9-24 eftir fyrsta leikhluta. Hvorugu liðinu gekk vel að koma boltanum ofan í körfuna í öðrum leikhluta og stóðu leikar 22-30 í hálfleik.
Í þriðja leikhluta náði Elfic loks að jafna og stóðu leikar svo jafnir eftir fjórða leikhluta, 61-61, og þurfti því að framlenga.
Í framlengingunni var Nyon mikið sterkara og vann að lokum 65-74 sigur sem fyrr segir.
Danielle átti fínan leik fyrir Elfic en hún var næst stigahæst með 17 stig á eftir Önu Rodrigues sem skoraði 26 stig.
Keira var með 11 stig og 4 stoðsendingar fyrir Nyon en stigahæst hjá liðinu var landa hennar Samantha Breen með 20 stig.
Næsti leikur liðanna er á fimmtudaginn á heimavelli Nyon.
