Keflavík hefur samið við Jarelle Reischel fyrir komandi átök í Bónusdeild karla.
Jarelle er 32 ára 200 cm framherji sem kemur til Keflavíkur frá Eisbaren Bremerhaven í Pro A deildinni í Þýskalandi. Þar skilaði hann 14 stigum, 4 fráköstum og 3 stoðsendingum að meðaltali í leik á síðustu leiktíð.
Hjá Bremerhaven var Jarelle liðsfélagi landsliðsmannsins Hilmars Smára Henningssonar, en Hilmar samdi á dögunum við Stjörnuna fyrir komandi tímabil í Bónusdeildinni.
