Lokaumferð Dominos deildar kvenna fór fram í kvöld með fjórum leikjum. Grindavík sem er fallið úr deildinni vann góðan útisigur á Stjörnunni og falla því með sæmd. Valskonur unnu sigur á Skallagrím og Haukar sóttu sigur til Njarðvíkur.
Toppliðin Snæfell og Keflavík mættust í Stykkishólmi þar sem Keflavík vann fyrsta leik sinn gegn deildarmeisturunum á tímabilinu. Gott veganesti fyrir úrslitakeppnina sem hefst á næstunni, þar mætast annars vegar Snæfell og Stjarnan og hinsvegar Keflavík og Skallagrímur.
Úrslit dagsins í Dominos deild kvenna:
Valur 83-71 Skallagrímur
Stjarnan 53-67 Grindavík
Snæfell 59-72 Keflavík
Njarðvík 57-83 Haukar