Keflavíkurstúlkur tryggðu sér Íslandmeistaratitilinn í 7. flokki kvenna í dag í Toyotahöll þeirra Keflvíkinga. 47:26 var lokastaða leiksins en Keflavíkurstúlkurnar leiddu allan leikinn og sigruðu verðskuldað þó svo að Grindavíkurstúlkur hafi sýnt á köflum góð tilþrif. Hjá Keflavík var Birna Benonýsdóttir þeirra atkvæðamest með 20 stig í leiknum hjá Grindavík var það Hrund Skúladóttir sem var þeirra atkvæðamest en hún á ekki langt að sækja sín körfuknattleiksgen því systir hennar, Petrúnella spilar í Dominos-deildinni með Grindavík.
