|
|
| Mitt Romney fylkisstjóri skrifar undir með fjórðu bekkingum |
Körfuknattleikur hefur verið ákveðinn sem aðal fylkisíþrótt Massachusetts fylki í Bandaríkjunum. Frá þessu var gengið í gær við mikin fögnuð fjórðu bekkinga úr Joseph P. Mulready skólanum. Krakkar úr þessum bekk höfðu lagt þessa tillögu fyrir fylkisstjóra Massachusetts og hans stjórnarráð fylkisins. Hinsvegar eru þeir sem eru ekki á eitt sáttir með þessa ákvörðun.
Jú James Naismith fann upp leikinn þegar hann hengdi upp ferskjukörfu á vegg í íþróttahúsinu þar sem hann kenndi, og vissulega hafa Boston Celtics unnið 16 meistaratitla í NBA fleiri en nokkur önnur lið. En það var þegar Larry Bird var, síðasti titill kom 1986.
Síðan þá hafa Red Sox (hafnarboltalið Boston) unnið sinn fyrsta titil í 86 ár og Patriots (ruðningslið Boston) spilað í 5 úrslitaleikjum (Super Bowl) og unnið þrjá þeirra. "Fenway Park (heimavöllur Red Sox) er mjög stór hér og allir vita hvar hann er. Mér finnst það mjög skrítið að körfuknattleikur sé settur sem höfuð íþrótt þessa fylkis" sgaði Vincent Colafella íbúi í Boston.
"Football fyrstur, Red Sox í öðru og svo mega Celtics og Bruins (íshokkí) slást um þriðja sætið, því þau vinna aldrei neitt" sagði annar sextugur íbúi Boston borgar í samtali eftir að þessar fréttir komu í ljós. "Annars get ég sagt ykkur hvaða íþrótt er númer 1 í fylkinu. Þeir sem eru að vinna, það er íþrótt númer eitt hér" bætti hin geðþekki borgari við kíminn.
"Staðreyndin er sú að í þessu fylki var körfuknattleikur fundinn upp, í fylkinu er frægðarhöll körfuknattleiks og því mikil arfleifð í kringum körfuknattleik hér í Massachusetts" sagði Mitt Romney fylkisstjóri í Massachusetts við hátíðlega athöfn þegar undirritun fór fram í fylkinu nú á dögunum.
