Í dag fögnum við á Karfan.is 7 ára afmæli vefsíðunnar. Þann 14. desember árið 2005 hóf vefsíðan göngu sína og á þessum sjö árum hefur mikið vatn runnið til sjávar. Við þökkum kærlega fyrir samfylgdina þessi sjö ár og sendir ritstjórn sérstakar þakkir til allra þeirra sem lagt hafa síðunni lið en það afburðafólk má telja í bílförmum.
Karfan.is á ekki amalegan afmælisdag, þeir eru fleiri snillingarnir sem halda þennan daginn hátíðlegan en enginn þó stærri en spámaðurinn Nostradamus sem hefði orðið 509 ára í dag. Knattspyrnumaðurinn og Keflvíkingurinn Haraldur Freyr Guðmundsson er 31 árs í dag og kollegi hans úr sportinu Michael Owen er 33 ára en sérstakar heillaóskir fær hann karl faðir minn, Ólafur Björnsson, sem einnig á afmæli í dag og er fæddur árið 1958, reiknið nú.
Endilega látið okkur vita ef fleiri eiga afmæli 14. desember og við komum þeim á listann hér að neðan:
-Karfan.is – 7 ára
-Nostradamus
-Haraldur Freyr Guðmundsson
-Michael Owen
-Ólafur Björnsson
-Guðni Ólafur Guðnason
-Helga Jónasdóttir
F.h. Karfan.is
Stofnandi og ritstjóri Karfan.is
(Aðrir stofnendur Karfan.is: Ingvi Steinn Jóhannsson og Davíð Ingi Jóhannsson)
