Nú er ljóst að besti íslenski leikmaður Iceland Express deildarinnar á síðasta tímabili, Justin Shouse, mun leika áfram með Stjörnunni í Dominos deildinni á næsta tímabili. Heima síða Garðbæinga, www.stjarnan-karfa.is greinir frá.
Á heimasíðu Garðbæinga segir ennfremur:
Justin sem starfar sem kennari í Alþjóðaskólanum í Garðabæ mun leika sitt fjórða tímabil með Stjörnunni en eins og flestir vita þá hóf hann feril sinn á Íslandi í Vík í Mýrdal og lék hann með Drangi eitt ár í fyrstu deildinni áður en hann flutti sig um set og lék með Snæfelli í tvö tímabil. Hann er því að hefja sitt sjöunda keppnistímabil hér á landi.
Nú er ljóst að mjög litlar breytingar verða á leikmannahóp Stjörnunnar í ár eins og reyndar undafarin ár. Allir íslensku leikmenn liðsins verða áfram. Undirbúningur fyrir næsta tímabil hófst af krafti í byrjun júní undir stjórn þrekþjálfaras liðsins. Justin og Jovan eru í stuttu fríi en eru væntanlegir í júlí og mun Justin taka þátt í undirbúningi landsliðsins fyrir verkefni haustsins þannig að menn ætla klárlega að mæta klárir til leiks í haust.
www.stjarnan-karfa.is
