Jón Sverrisson hefur leikið sinn síðasta leik á þessu tímabili í það minnsta en eftir samstuð í síðasta leik með Njarðvíkingum gegn Haukum féll Jón í gólfið sárþjáður. Eftir myndatökur í dag hefur komið í ljós að kappinn með með slitið krossband og tímabili hans þar með lokið þetta tímabilið. Jón hefur glímt við sömu meiðsli á hinu hnénu og því óhætt að segja að óheppnin í þessum efnum elti leikmanninn.
Jón hefur verið að koma sér hægt og rólega í form með þeim Njarðvíkingum og hefur á undanförnum vikum verið að spila meiri og meiri rullu hjá liðinu. Óhætt er að segja að þó svo að Jón hafi ekki verið orðin máttarstólpi í liðinu þá hafi hann verið mjög góð styrking á hóp þeirra og því eru þetta ekki góðar fréttir fyrir þá Njarðvíkinga. Njarðvíkingar eru í þessum þétta miðjupakka deildarinnar sem slæst um sæti í úrslitakeppninni.
Á Facebook-síðu Jóns ber hann sig vel þrátt fyrir þessar hörmulegu fréttir.
