Jón Gnarr, fyrrum borgarstjóri Reykjavíkur og landskunnur listamaður, kom hinum íslenska körfuknattleiksheimi heldur betur á óvart í gær með því að panta sér Skallagrímsderhúfu.
Árskortin góðu verða til sölu í kvöld á æfingaleiknum gegn Tindastóli heima í Fjósinu. Einnig verða nýju og nettu Skallagrímshúfurnar til sölu. Must buy! Áfram Skallagrímur! #skallagrímur pic.twitter.com/PIpUbpyiWA
— Skallagrímur Körfubolti (@Skallgrkarfa) September 25, 2018
Skallagrímur í Borgarnesi höfðu auglýst glæsilegar nýjar húfur til sölu á Twitter reikning sínum. Svaraði Jón því á samskiptamiðlinum með ósk um að fá að vita hvar hann kaupi húfuna. Skallagrímur svaraði því með að Ebbi bílstjóri sæi um söluna á þeim.
hvar kaupi ég?
— Jon Gnarr (@Jon_Gnarr) September 25, 2018
Ekki verið á hreinu til þessa með hvaða liði Jón hefur haldið í Dominos deildunum, þó einhverjir spekingar teljist minnast þess að hafa heyrt það áður að hann styðji Skallagrím.
Algjörlega komið á hreint með hvaða liði hann heldur eftir þetta, en ekki fylgir það sögunni hvort hann sé væntanlegur á leiki í Fjósið í Borgarnesi í vetur.
Jón setti svo inn mynd af sér á Twitter með húfuna fyrir um klukkustund:
áfram @mfl_skalla ! pic.twitter.com/qZ3kv7Tvmi
— Jon Gnarr (@Jon_Gnarr) September 26, 2018
Það er Atlantic Headwear, sem sá um hönnun og framleiðslu á Skallagrímshúfunni og vilji stuðningsmenn kaupa hana er þeim bent að hafa samband við Skallagrím.
Mynd: Jón Gnarr á Twitter
