Jón Axel Guðmundsson og félagar hans í Davidson háskólanum gerðu sér lítið fyrir og slógu út efsta lið Atlantic 10 riðilsins í úrslitakeppni riðilsins. Fyrir leikinn höfðu Dayton aðeins tapað heilum 3 leikjum í allan vetur og eru "rankaðir" númer 21 yfir allt landið. 73:67 varð lokastaða leiksins en Davidson leiddu í hálfleik með 37 stigum gegn 25. Þegar rúm mínúta var eftir var jafnt í stöðunni 65:65 eftir að okkar maður hafði sett niður risa þrist. Eftir það tóku Davidson forystuna í leiknum þegar þeirra helsti skorari Jack Gibbs setti niður þrist sem að Dayton svaraði með tveggja stiga körfu hinumegin. Jack Gibbs var svo aftur á ferðinni þegar hann nelgdi niður öðrum þrist og Dayton náðu ekki að svara þessu og því sigurinn Davidson skólans.
Jón Axel gerði vel að vanda. Var í byrjunarliðinu og skoraði 9 stig gaf 3 stoðsendingar og hirti 5 fráköst.
Davidson spilar gegn sigurvegara út leik Rhode Island og St. Bonaventure sem fram fer núna.
Mynd/GBragason: Jón Axel með foreldrum sínum eftir leik í kvöld, Guðmundi Bragasyni og Stefaníu Jónsdóttur.
