10:15
{mosimage}
(Joe Webb)
Körfuknattleikslið Njarðvíkur hefur samið við Bandaríkjamanninn Joe Webb fyrir komandi átök í Iceland Express deildinni í körfuknattleik. Webb þessi er fæddur 1983 og er 198 sentimetrar að hæð. Hann mun vera alhliða leikmaður og kemur frá Bellevue háskólaliðinu í NAIA deildinni.
Á síðustu leiktíð var Webb með 18,8 stig að meðaltali í leik fyrir Bellevue liðið og 7,2 fráköst að meðaltali. Hann ku vera óeigingjarn leikmaður og hin fínasta skytta.
Jeb Ivey var Bandaríkjamaðurinn í liði Njarðvíkur á síðustu leiktíð og lék hann í stöðu leikstjórnanda en Jeb er kominn með samning í þýsku Bundesligunni hjá Goettingen. Njarðvíkingar hafa nú kosið að fá sér leikmann, Webb, framherja.
