Grindavíkurstúlkur ætla ekkert að gefa eftir í toppbaráttunni í Iceland Express deildinni þar sem þær sitja nú í öðru sæti. Jóhann Þór Ólafsson þjálfari liðsins staðfesti í samtali við karfan.is fyrir stundu að von væri á liðsstyrk á næstu dögum.
Jóhann sagði að hann hafi verið að líta í kringum sig undanfarið og hafi haft samband við Joanna Skiba sem lék með liðinu 2007-08. Gert hefur verið munnlegt samkomulag við Skiba og mun hún væntanlega koma á næstu dögum, eða eins fljótt og hægt er eins og Jóhann orðaði það.
Joanna Skiba lék 24 deildarleiki með Grinavík á sínum tíma, skoraði 18,3 stig í leik og gaf 6,9 stoðsendingar.
Mynd tekin af facebook
