Stjarnan lagði Val í N1 höllinni í kvöld í 7. umferð Bónus deildar kvenna. Eftir leikinn er Stjarnan með þrjá sigra og fjögur töp á meðan Valur er með tvo sigra og fimm töp það sem af er.
Karfann spjallaði við Jamil Abiad þjálfara Vals eftir leik í N1 höllinni. Jamil lenti aftur á Íslandi í gær eftir að hafa þurft að fara til Kanada vegna vandræða með atvinnuleyfi sitt á Íslandi. Samkvæmt honum munu þau mál þó vera komin í samt lag og mun hann því halda áfram sem þjálfari liðsins á tímabilinu.
