Dominos deild karla hefst í kvöld með fjórum leikjum. Líkt og áður er mikil spenna fyrir nýju tímabili en miklar breytingar hafa orðið á liðunum sem gerir spennuna jafnvel enn meiri fyrir þetta tímabil.
Karfan hitar upp fyrir tímabilið með því að fara yfir öll liðin og ræða við leikmann eða þjálfara liðsins. Þá er komið að Tindastól.
Tindastóll
Skagfirðingar komust í úrslitaeinvígið á síðustu leiktíð og sátu ekki athafnalausir á rassinum í sumar. Liðið samdi við sterka leikmenn og fékk sjöfaldan Íslandsmeistara í Brynjari Þór Björnssyni. Er þetta árið fyrir Stólana? Það verður spennandi að sjá.
Spá KKÍ: 2. sæti
Lokastaða á síðustu leiktíð: 3. sæti
Þjálfari liðsins: Israel Martin Concepción
Leikmaður sem vert er að fylgjast með: Hannes Ingi Másson. Leikmaður sem fær væntanlega stærra hlutverk og fleiri mínútur á þessu tímabili. Hefur ekki fengið tækifæri til að springa út en gæti náð því í vetur.
Komnir og farnir:
Komnir:
Danero Thomas frá ÍR
Urald King frá Val
Brynjar Þór Björnsson frá KR
Dino Butorac frá Rostock Seawolves (Þýskalandi)
Ólafur Björn Gunnlaugsson frá Val
Ragnar Ágústsson frá Þór Ak.
Farnir:
Björgvin Hafþór Ríkharðsson til Skallagríms
Christoper Caird til Selfoss
Chris Davenport óljóst
Sigtryggur Arnar Björnsson til Grindavíkur
Elvar Ingi Hjartarsson til Selfoss Karfa
Hlynur Einarsson til Selfoss Karfa
Axel Kárason í pásu
Anthonio Hester til USA
Viðtal við Israel Martin um komandi leiktíð:
