Íslenska karlalandsliðið hefur leik á morgun í forkeppni Ólympíuleika 2024 með leik gegn heimamönnum í Tyrklandi.
Leikurinn er sá fyrsti af þremur sem liðið leikur næstu daga í keppninni, en til þess að komast upp úr riðil sínum þar sem þeir eru ásamt Tyrklandi með Búlgaríu og Úkraínu þarf liðið að vera í efstu tveimur sætunum. Nái þeir því munu þeir leika undanúrslit og svo úrslitaleik í næstu viku um að komast áfram á næsta stig keppninnar.
Leikur morgundagsins líkt og hinir leikir riðlakeppni mótsins verða í beinni útsendingu á RÚV, en á sunnudag mæta þeir Úkraínu og á þriðjudag Búlgaríu.
Möguleikar Íslands á að tryggja sér farmiða á Ólympíuleikana í París
12 leikmanna lið Íslands í leikjunum í Tyrklandi:
Nafn · Lið (skráð hjá KKÍ) · Landsleikir
Elvar Már Friðriksson · PAOK, Grikklandi · 65
Hilmar Smári Henningsson · Haukar · 11
Jón Axel Guðmundsson · Victoria Libertas Pesaro, Ítalíu · 27
Kristinn Pálsson · Aris Leuuwarden, Hollandi · 28
Orri Gunnarsson · Haukar · 2
Pétur Rúnar Birgisson · Tindastóll · 13
Ragnar Ágúst Nathanaelsson · Hamar · 62
Sigtryggur Arnar Björnsson · Tindastóll · 30
Styrmir Snær Þrastarson · Þór Þorlákshöfn · 11
Tryggvi Snær Hlinason · Bilbao Basket, Spánn · 60
Þórir Guðmundur Þorbjarnarson · Oviedo, Spánn · 24
Ægir Þór Steinarsson (Fyrirliði) · Stjarnan · 82
Þjálfari: Craig Pedersen
Aðstoðarþjálfarar: Baldur Þór Ragnarsson og Pavel Ermolinskij
Umfjöllun Körfunnar um íslensku landsliðin er kostuð af Lykil
