Ísland varð rétt í þessu Norðurlandameistari undir 20 ára karla eftir sigur gegn Finnlandi í úrslitaleik í Södertalje í Svíþjóð, 85-79.
Atkvæðamestur fyrir Ísland í leiknum var Almar Orri Atlason með 40 stig og 6 fráköst. Hinum næstur var Leó Curtis með 14 stig og 6 fráköst.
Ekki var um eiginlegan úrslitaleik að ræða, en þar sem bæði lið komu taplaus inn í þennan lokaleik var ljóst að sá er bæri sigur úr býtum stæði uppi sem Norðurlandameistari.
Ísland vann því alla leiki sína á mótinu, en næst á dagskrá hjá þeim er A deild Evrópumótsins sem fram fer í Póllandi seinna í mánuðinum.
