{mosimage}
Ingi Þór Steinþórsson landsliðsþjálfari 16 ára landsliðs karla hefur valið 12 manna leikmannahópinn sem fer til Spánar 8. ágúst og leikur í A-deild evrópukeppninnar en þetta er annað árið í röð sem íslenska 16 ára liðið leikur meðal þeirra bestu. KR-ingar eiga flesta leikmenn í liðinu eða alls fjóra þar á meðal fyrirliðann Snorra Páll Sigurðsson.
Hjörtur Halldórsson úr Breiðabliki er leikreyndasti leikmaður liðsins með 18 leiki og ásamt fyrirliðanum Snorra Pál sá eini sem var með 16 ára liðinu í Evrópukeppninni í fyrra. Örn Sigurðarson úr Haukum var einnig með 16 ára liðinu í fyrra en missti af Evrópukeppninni vegna meiðsla. Örn er stigahæsti leikmaður liðsins með 84 stig í 10 landsleikjum. Það eru tvær breytingar á liðinu frá því á Norðurlandamótinu í vor en þeir Alfreð Elíasson úr Njarðvík og Ólafur Ólafsson úr Grindavík koma inn fyrir þá Sigurð Ólafsson og Einar Ólafsson.
Íslenska liðið vann þrjá síðustu leiki sína og bronsið á Norðurlandamótinu í Svíþjóð. 12 manna hópurinn er skipaður eftirtöldum leikmönnum:
Alfreð Elíasson Njarðvík 191 cm (Nýliði)
Arnþór Freyr Guðmundsson Fjölni 185 cm (5 leikir)
Baldur Þór Ragnarsson KR 179 cm (5 leikir)
Guðmundur Auðunn Gunnarsson Keflavík 183 cm (5 leikir)
Hjörtur Halldórsson Breiðablik 191 cm (18 leikir)
Pétur Þór Jakobsson KR 183 cm (5 leikir)
Ólafur Ólafsson Grindavík 192 (Nýliði)
Sigmar Logi Björnsson Breiðablik 183 cm (5 leikir)
Snorri Páll Sigurðsson KR 185 cm Fyrirliði (13 leikir)
Víkingur Sindri Ólafsson KR 187 cm (5 leikir)
Þorgrímur Guðni Björnsson Kormákur 197 cm (5 leikir)
Örn Sigurðarson Haukum 202 cm (10 leikir)
Evrópukeppni 16 ára liða fer fram á Spáni, nánar tiltekið Linares, Andjuar og Martos. Riðlarnir verða leiknir í Andjuar og Martos og milliriðlarnir síðan í Andjuar og Linares.
Fyrirkomulagið er þannig: Fyrst er leikið í riðlinum: Þar leika strákarnir við Ísrael, Úkraínu og Frakkland. Þá taka við milliriðlar. Efstu tvö liðin fara upp í milliriðla, en neðstu tvö fara í niður í milliriðla. Leiknir eru þrír leikir í milliriðlunum og þar síðan í kross. Alls eru þetta átta leikir á tíu dögum.
