9:30
{mosimage}
Þá er að koma að því, Iceland Express deild karla hefst fimmtudaginn 11. október með fjórum leikjum og fyrsta umferð klárast svo á föstudag.
Við á karfan.is erum búnir að spá fyrir um lokastöðuna og munum birta hana hægt og bítandi í dag og á morgun. Við höfum lagt spurningar fyrir þjálfara liðanna og munum birta svörin.
En fyrst er það 12. sætið, þar spáum við Skagfirðingunum í Tindastól. Lítið hefur heyrst af Stólunum í sumar á meðan önnur lið voru á fullu að manna herlið sitt. Með haustinu fóru þó að berast fréttir af komu útlendinga til liðsins og hafa Tindastólsmenn gengið frá samning við þrjá erlenda leikmenn, prófað tvo að auki og í gær bárust fréttir af þeim þriðja til reynslu. Hvernig það fer mun væntanlega skýrast á næstu dögum.
{mosimage}
Svavar Atli Birgisson
Tindastóll heldur þó sterkum leikmönnum sem eru aldir upp hjá félaginu eins og Ísak Einarssyni og Svavari Birgissyn. Einnig má reikna með að Helgi Rafn Viggósson verði með í baráttunni í vetur. Þá hefur Kristinn Friðriksson dregið fram skóna aftur. Í hópnum eru svo nokkrir leikmenn úr yngri flokkum félagsins.
Liðið tók þátt í Greifamótinu á Akureyri þar sem liðið hafnaði í 7. sæti en hefur að auki leiki tvo æfingaleiki við Þór Ak. og einn við KFÍ. Tindastóll og Þór unnu sitthvorn leikinn en Tindastóll sigraði KFÍ örugglega.
En hér koma svo spurningar okkar og svör Kristins Friðrikssonar þjálfara Tindastóls.
Hvaða leikmaður/menn í þínu liði eiga eftir að koma á óvart í vetur?
Marcin Konarzewski
Hvaða íslensku leikmönnum er vert að fylgjast með í þínu liði?
Ísak Einarsson.
Er liðið með erlendan leikmann? Ef svo hverja þá og hverslenskir?
Donald Brown bandarískur, Marcin Konarzewski pólskur/kanadískur og Serge Poppe belgískur.
Hefur undirbúningur liðsins fyrir tímabilið verið ásættanlegur?
Nei, of stuttur og allur hópurinn æft of stutt saman.
Hvað er einkennandi fyrir leikstíl þíns liðs?
Hraður bolti, vonandi.
Hvert er markmiðið fyrir tímabilið?
Halda sér í deildinni.
Hvaða lið á eftir að koma á óvart í vetur?
Grindavík og Stjarnan
Hvaða lið vinnur deildina?
KR
Komnir:
Marcin Konarzewski, Donald Brown, Serge Poppe og Kristinn Friðriksson byrjaður aftur
Farnir: Gunnlaugur Hafsteinn Elsuson, Arnar Ingi Ingvarsson, Ingvi Guðmundsson, Bjarni Bjarnason, Milojica Zekovic, Vladimir Vujcic og Lamar Karim
Leikmannalisti:
Ísak Einarsson
Svavar Atli Birgisson
Kristinn Friðriksson
Helgi Rafn Viggósson
Þorbergur Ólafsson
Einar Bjarni Einarsson
Halldór Halldórsson
Hreinn Birgisson
Sigurður Gunnarsson
Ingimar Jónsson
Donald Brown
Marcin Konarzewski
Serge Poppe
Myndir: Jóel – tindastoll.is
