Hrunamenn tilkynntu í dag að þeir hefðu sagt uppi samningum sínum við Corey Taite og Karlo Lebo sem leikið hafa með liðinu í 1. deild karla ásamt því að koma að þjálfun yngri flokka félagsins við góðan orðstír.
Ástæða uppsagnanna er nýjasta samkomubannið vegna Covid-19 og óvissan með framhald Íslandsmótsins.
Corey hefur verið meðal bestu leikmanna 1. deildarinnar í vetur og leiðir hana í stigaskorun með 34,3 stigum ásamt því að vera með 5,5 stoðsendingar, 5,6 fráköst og 2,8 stolna bolta að meðaltali.
Karlo er næst stigahæsti leikmaður Hrunamanna í vetur ásamt því að hafa tekið flest fráköst en hann er með 16,3 stig og 8,8 fráköst að meðaltali í leik.
