Á morgun kl. 13:00 mætir Ísland liði Sviss í Laugardalshöllinni í undankeppni Evrópumótsins 2021.
Liðið tapaði fyrsta leik þessa leikjaglugga fyrir Potúgal ytra fyrir tveimur dögum og þarf Ísland því nauðsynlega á sigri að halda á morgun gegn Sviss, ætli þeir sér að eygja þá von að komast á sitt þriðja lokamót í röð.
Karfan leit við á æfingu hjá liðinu fyrr í dag og spjallaði þar við Hörð Axel Vilhjálmsson, leikmann íslenska liðsins, um vonbrigðin í Sines, leikinn gegn Sviss og hvað liðið þarf að gera til þess að komast áfram í undankeppninni.
